धनगढी । राष्ट्रिय स्वतन्त्र पार्टीका वरिष्ठ नेता बालेन्द्र शाह बालेनले आफूले देश र सुदूरपश्चिम बनेको सपना देखेको बताउँदै त्यो सपना आफ्नो पार्टीले पूरा गर्ने बताएका छन् ।

कैलालीको धनगढीमा पार्टीले आयोजना गरेको परिवर्तन उद्घोष सभालाई सम्बोधन गर्दै शाहल यस्तो बताएका हुन् । ‘बेली छकालै एउटा सुइना देख्या थे, सुदूरपश्चिम र देश बनेको,’ डोटेली भाषामै शाहले भने, ‘त्यो सपना पूरा गर्ने हो । त्यो पूरा गर्ने पार्टी रास्वपा हो ।’ 

शाहले खल्तीमा पैशा नभएको विपन्न गरिवले शिक्षा पाउनु पर्ने, स्वास्थ्य उपचार पाउन पर्ने र दुई वर्षमा बन्ने बाटो डेढ बर्षमा बन्नुपर्ने एजेण्डा आफूहरुको भएको बताए । ‘रुखमा बाधेर वा खोरमा जाकेर भए पनि बाटो बन्नुपर्छ,’ उनले भने । देशलाई स्वीजरल्याण्ड बनाउन आवश्यक नरहेको बताउँदै उनले बडीमालिका, रामारोशन र खप्तडको विकास आवश्यक रहेको बताए । 

‘तपाइँहरुले भोट नदिए पनि हुन्छ,’ उनले भने, ‘रास्वपाले सुदूरपश्चिम बनाउँछ । कामको सूची दिनुहोस् , काम गरेर देखाउँछ ।’