धनगढी ।  प्रहरी प्रधान कार्यालय नक्सालले सम्पर्क बाहिर रहेका १८ प्रहरी कर्मचारीलाई तत्काल हाजिर हुन आउन आग्रह गरेको छ । कानुन शाखाले एक सूचना प्रकाशित गर्दै सात दिनभित्र हाजिर हुन आग्रह गरेको हो । 

१८ मध्ये सुदूरपश्चिम घर भएका चार जना छन् । कंचनपुरका प्रहरी हवल्दार देवराम लावड, बैतडीका प्रहरी जवान उत्तमबहादुर बिष्ट र करनबहादुर चन्द तथा दार्चुला घर भएका प्रहरी जवान भुपेन्द्रसिंह ठगुन्नालाई सात दिनभित्र हाजिर हुन भनिएको छ ।

'आफूखुसी कार्यालयमा गैरहाजिर रहेको र खोजतलास गर्दा गराउँदा तथा प्रहरी नियमावली, २०७१ (संशोधन सहित) को नियम ११५ को देहाय (२) बमोजिम प्रक्रिया पूरा गरी सूचना टाँस भई सक्दा समेत कार्यालयको सम्पर्कमा नआउनु भएकोले हाजिर हुन आउनेबारे यो सूचना प्रकाशित गरिएको छ । यो सूचना प्रकाशित भएको मितिले बाटोको म्याद बाहेक सात ९७० दिनभित्र आफू गैरहाजिर रहनुको कारण खोली सन्तोषजनक स्पष्टीकरण जवाफ सहित यस कार्यालय वा सूचना जारी गर्ने कार्यालयमा हाजिर हुन आउनुहोला', सूचनामा भनिएको छ ।  

तोकिएको मितिमा पनि सम्पर्कमा नआए  प्रहरी नियमावली बमोजिम सेवाबाट हटाउने कारबाही हुने सूचनामा उल्लेख छ ।