ट्रेन्डिङ

ट्रेन्डिङ समाचार

ताजा अपडेट

२४ घण्टाका ताजा अपडेट

कैलालीमा स्कुल बसले ठक्कर दिँदा मोटरसाइकल चालकको मृत्यु

शुक्रबार १३, भदौ २०८२ १२:३८

टीकापुर । कैलालीको जानकी गाउँपालिकामा स्कुल बसको ठक्करबाट एक जनाको मृत्यु भएको छ । जोशीपुर गाउँपालिका–५, वनकट्टाका २३ वर्षीय सागर डगौराको मृत्यु भएको टीकापुर प्रहरीले जनाएको छ ।

प्रहरीका अनुसार जानकी गाउँपालिकिा–७, मक्रिका ३६ वर्षीय तुल्सीराम चौधरीले चलाएको सुदूरपश्चिम प्रदेश ०१–००१ क २७८६ नम्बरको रेन्बो एकेडेमी स्कुलको बसले डगौराले चलाएको सुदूरपश्चिम प्रदेश ०१–००८ प ५६२८ नम्बरको मोटरसाइकललाई जानकी–४, रामजानकी मन्दिर नजिक बिहीबार साँझ ठक्कर दिएको थियो । 

बसको ठक्करबाट डगौरा गम्भीर घाइते भएका थिए । घाइतेलाई उपचारको लागि सेवा नर्सिङ होम नेपालगञ्ज, बाँके लगिएकोमा बिहीवारनै चिकित्सकले मृत घोषणा गरेको जिल्ला प्रहरी कार्यालय कैलालीले जनाएको छ ।

सोही मोटरसाइकलमा रहेका सोही ठाउँका १४ वर्षीय अनिल चौधरी घाइते भएका छन् । अनिलको टीकापुर अस्पतालमा उपचार भइरहेको प्रहरीले जनाएको छ । बस र चालक इलाका प्रहरी कार्यालय टीकापुरले नियन्त्रणमा लिएको छ । 

प्रतिक्रिया