धनगढी ।  नेकपा (माओवादी केन्द्र) की समानुपातिक सांसदको अस्लिल भिडिओ सार्वजनिक गरेको आरोपमा डोटीका एक युवक पक्राउ परेका छन् । माओवादी सांसद छिरिङल्यामु लामाको चरित्र हत्या गरेको आरोपमा डोटीको आदर्श गाउँपालिका घर भई काठमाडौं बस्दै आएका रमेशबहादुर बागलाई प्रहरीको साइबर ब्युरोले पक्राउ गरेको हो । 

बाग राप्रपानिकट प्रजातान्त्रिक युवा संगठनका केन्द्रीय सदस्य हुन् । बागले एआईको माध्यमबाट भिडिओ बनाएर सामाजिक सञ्जालमार्फत सार्वजनिक गरेको सांसद लामाको आरोप छ ।

बागलाई पक्राउपछि काठमाडौं जिल्ला अदालतबाट पाँच दिनको म्याद थप गरेर अनुसन्धान कार्य अगाडि बढाइएको छ । बागले गत असार १९ मा एउटा टिकटक भिडिओ आफ्नो फेसबुकमा सेयर गरेका थिए, जसमा लामा एक युवकसँग ओठमा चुम्बनरत रहेको देखिन्छ ।