काठमाडौँ । राष्ट्रिय स्वतन्त्र पार्टीका सभापति रवि लामिछानेले आफूले संगठित अपराध नगरेको बताएका छन् । शनिबार स्थापना दिवसको सन्देश दिँदै उनले आफूमाथि राज्यले संगठित अपराध गरेको उल्लेख गरेका छन्।

रास्वपाका नेता दीपक बहादुर बोहोराका अनुसार हाते पुस्तिकाको रुपमा उनको विशेष सन्देश आएको छ । बोहोराले भने, पार्टी स्थापना दिवसको उपलक्ष्यमा सभापति लामिछानेको विशेष सन्देश प्राप्त गरेका छौँ।  हाते पुस्तिकाका रूपमा आएको यो दस्तावेज देश, विदेश, गाउँ, सहर हुँदै घरघर पुग्नेछ। आजैबाट प्रतिशोध विरुद्धको हस्ताक्षर अभियान पनि सुरु हुँदैछ। आजबाट हाम्रो मुद्दा जनताको अदालतमा पनि दर्ज हुँदैछ।’